%20(1).png){kind=logo}
NOS DILEGASON
PORTUGAL
MÉRKA
ASOSIASON DI LÍNGUA MATÉRNU KAUVERDIANU
ALMA-KV/CV é un sosiason ki se mison é kontribui pa difinison di un pulítika linguístiku klaru, organizadu, planifikadu, ki ta bai di akordu ku situason sosiolinguístiku di Kabu Verdi y ki ta ruspeta direitus linguístiku, rakumensason di siensia y di didátika di língua, y ta podi kunpanha idukason y prátika linguístiku di kada sidadon kauverdianu na mundu.
Nos asosiason é un organizason dimokrátiku y plural , abértu, toleranti y inkluzivu, proativu, kolaborativu, mudérnu y sientifiku.
E inkluzivu y toleranti pamodi e ta difendi multilinguismu multiKulturalidadi y e ta funsiona ku prinsípiu ma tudu algen ten vós y ves.
E pro-ativu pamodi é ta difende ofisializason di língua kabu-verdianu, nkuadradu na revison di Konstituison di Kabu Verdi;
ALMA KV/CV ta prumove língua língua kauverdianu na tudu si variedadi, sima língua ki ta djunta nason kauverdianu, na se valor funsional, sosial y ikonómiku.
E kolabrativu pamodi se propósta é - trabadja ku guvernu y otus instituison di guvernu o privadu pa konsulturia ku asesuria na kel ke konpeténsia di se menbru.
E Mudérnu pamodi é ta apoia dezenvolvimentu de software y uza Inteligência Artifisial pa língua kaboverdianu, pa omenta si si prizénsa pe odjadu mas txeu na Internet.
E plural, dimokratiku- e formadu para orgons kulejial y es tudu e ileitu pa senbleia jeral.
E abertu pamodi é ta ta ten si atividadi na Kabuverdi ma tanbé fora di Kabu Verdi.
